Strateg · Shaxsiy brend eksperti
Shaxsiy brend, puxta strategiya va mazmunli kontent orqali auditoriya bilan haqiqiy aloqa.
Men Doston Voxidov — SMM strateg va shaxsiy brend mutaxassisi. Oddiy qishloqda tug‘ilib, katta bo‘lganman. Yoshligimdan tadbirkorlik va biznesga qiziqqanman. Bugun tadbirkor va ekspertlarning tajribasini auditoriyaga tushunarli yetkazish, ularga eslab qolinadigan shaxsiy brend yaratishda yordam beraman.
2019-yilda o‘qishga kira olmaganim meni yangi yo‘nalishga boshladi — SMMni o‘rganishga kirishdim. 2020-yilda talaba bo‘ldim va o‘qish bilan birga shu sohada ishlashni davom ettirdim.
O‘qish va ishni birga olib borish oson bo‘lmadi. Hatto sohani tark etishni ham o‘yladim. Ammo tadbirkorlar bilan ishlash, turli bizneslarni ichidan o‘rganish menga yoqardi. Aynan shu qiziqish meni davom etishga undadi.
2023-yilda shaxsiy brend yo‘nalishiga o‘tdim. Shu vaqtgacha 100 dan ortiq tadbirkor, ekspert va turli soha vakillari bilan hamkorlik qildim.
Olti yillik tajribam davomida to‘plagan bilimlarimni endi boshqalar bilan ham bo‘lishyapman. Maqsadim — tadbirkor va mutaxassislarga o‘z tajribasini ko‘rsatish, auditoriya ishonchini qozonish va shaxsiy brendini ongli ravishda rivojlantirishga yordam berish.
Maqsadingizni ayting. Birinchi qadamni birga belgilaymiz.